HAYA NDO MAMBO YA KUZINGATIA KWA MWANAMKE, PALE UNAPOAMUA KUVAA SHATI LA KITENGE

. Kadri siku zinavyozidi kwenda mitindo ya vitenge ya aina mbalimbali imekuwa ikibuniwa. Ubunifu huu umekuwa ukiongeza zaidi thamani ya kitenge na hata kukifanya kukubalika na kutambuliwa nje na ndani ya nchi kama vazi la Kiafrika.

Kuvaa kitenge kunatosha kabisa kuonyesha ni kwa jinsi gani unajali na kulinda utamaduni wa mwafrika.
Katika kipindi cha hivi karibu wabunifu hao walikuja na shati la kitenge kwa wanawake. Na kabla ya kuyaingiza sokoni walionyesha kupitia maonyesho kadhaa ya mitindo jinsi ya uvaaji wake.
Leo hii imeweza kueleweka vizuri kuwa vazi la kitenge linaweza kutengenezwa shati litakalovaliwa na mwanamke, katika shughuli zake za kiofisi.
Kama ilivyo kwa aina nyingine ya mashati, mashati aina hii yana utaratibu wake katika uvaaji Je, ungependa kufahamu?
Fahamu rangi yako
Kwanza kabisa unatakiwa kujua rangi yako, kwa kujua rangi yako itakuwa ni rahisi kwako kupata ushauri kuhusiana na rangi inayoendana na wewe.
Elewa umbo lako
Usivae shati kwa kuwa tu umemuona mwenzio amevaa. Kabla ya kuvaa hakikisha unajiuliza maswali mawili matatu kuhusiana na umbo lako. Je, linaendana na aina ya shati ulilochagua. Ikiwa wewe ni mnene chagua shati lenye rangi ya giza lakini ikiwa una umbo jembamba si vibaya ukichagua rangi ya kuwaka.
Oanisha shati lako na vazi la chini
Licha ya ukweli kuwa aina hii ya mashati inaendana na suruali na sketi, Lakini ukweli ni kwamba si watu wote wanapendelea sururali au sketi. Hakikisha unachagua vazi linaloendana na mwili wako.
Chagua viatu sahihi
Ni kweli kabisa kila mtu ana viatu vyake anavyopendelea. Lakini ukiwa katika aina hii ya mashati unashauriwa kuvaa viatu vile vitakavyokuweka huru zaidi.